C AllStar拍MV齊沖泡泡浴 釗峰瘋狂攬錫隊友

完成紅館演唱會後，C AllStar終於有新歌《還有48小時》登場，日前更於一座擁有私人泳池的大宅進行拍攝。為迎合吳崇銘（King）的要求，MV導演將大宅客廳佈置成為派對房，身為大宅屋主的陳健安（On仔）就準備大量蛋捲。當日安排大班男男女女，一起跳舞狂歡，King負責現場打碟音樂，還有何建曦（Jase）要求的美酒，現場眾人情緒高漲，投入在瘋狂派對之內。至於梁釗峰（釗峰）則瘋狂地要求好多好多愛。 On仔馬上幫口說出釗峰的要求：「就係hug hug同Kiss kiss，其中3位男演員，仲要俾你kiss kiss唔同部位。」導演在拍攝時，多次安排釗峰輪流飛撲攬實其餘3位拍檔，再送上深情一吻，滿足他hug hug同Kiss kiss兩大慾望。

派對去到下半場，眾人移師到屋外的私人泳池繼續狂歡，King更即慶跑到離地約3米高的屋頂，一躍跳進泳池。事後他說：「以前我喺兩米跳台，跳10次都跳唔到落嚟，其實差唔多要跳嘅時候，我身體叫我停，但我用我嘅意志跳出去。」

接著，C AllStar四子回到屋內，更走到浴室位置，原來他們準備玉帛相見，一齊沖泡泡浴。因為要脫去上身衫，埋位前On仔努力做橡筋帶谷肌肉，釗峰亦無執輸，狂做掌上壓，Jace和King無需肌肉擔當，早已走到浴缸享受泡泡浴。他們說：「我哋未試過有咁多肌膚之親，最親密只係幫對方按摩，私底下亦未試過一齊去游水，所以呢個MV，大家一定要留意。」