張慧儀與兒子為心臟病童出力：想佢知道要感恩

藝人張慧儀在2006年領養兒子張晃維（Hanson），雖然當時Hanson患有先天性心臟病，但她仍決定獨力撫養孩子成人，陪伴兒子捱過每一個難關，轉眼間兒子已經18歲，情況慢慢好轉，但慧儀每天都提醒自己要活在當下，她更以過來人的身份，幫助先天性心臟病患兒童，助他們克服於康復過程中面對的困難。

慧儀早前出任「兒童心臟基金會籌款事務委員會聯席主席」，為呼喚大眾對病童的關注，將舉辦慈善運動日，更於10月16日起以「先天性心臟病童(「心童」)生命之旅」為主題的相展打響頭炮，透過多個故事主角的人像攝影，由「懷孕」到「長大成人」，呈現心童的成長經歷、心路歷程、內心矛盾。

在今次的相展上，慧儀與Hanson亦有份參與，相中見二人母子情深非常溫馨：「其實阿仔都有少少怕醜嘅，所以叫佢入行拍嘢就唔好搞喇，但係呢次係慈善活動，我咪諗吓計仔氹佢亮相囉！其實可以母子檔做善事真係好特別，平時都冇咩機會咁影相！」慧儀姐榮升基金會主席，笑言與囝囝齊齊做義工，可增母子感情：「其實囝囝手術後，係奇蹟康復得好，所以我都想佢知道要感恩，為社會付出，有機會都想一齊做義工，其實呢啲係『身教』。」因為疫情關係，慧儀坦言要深思熟慮才可接工作：「之前有人邀請我返內地拍劇，但來回隔離成個月，真係要諗掂阿仔邊個照顧呢？點知佢同我講『媽咪你放心去啦，我大個喇！』我當刻都呆一呆，望真啲佢真係成熟咗，依家先放膽接工作。」