陳家樂35歲生日避談帶女友見家長　想幫嫲嫲拍片教講台山話捧做網紅

陳家樂將於本月12日35歲生日，他出席劇集《把關者們》宣傳獲大會安排送上蛋糕，一眾演員齊齊為他提早慶生。對於生日願望，家樂表示希望疫情快過去，能夠除口罩示人，而且可以去旅行。他說：「上年3月在馬拉拍戲返港後，就無離開香港。」他笑言正日生日的上午要為新戲圍讀，但一把年紀好少慶祝。當提議可跟緋聞女友連詩雅過二人世界慶祝？他扯開話題謂：「依家好少慶祝，簡單啲！大多喺屋企同家人食飯。（帶女友返家？）唔講呢啲嘢。」

家樂又指嫲嫲在中秋節已給他大利是，因擔心他要開工不會前去探望，嫲嫲仲成日以台山話講「牛痾屎」，意思解作好少事。他說：「我成日好想幫嫲嫲開個網上頻道教導講台山話，好想捧紅佢！佢知我有時拍佢片，佢唔怕醜鍾意上鏡，我又鍾意拍片。（嫲嫲叫你帶女友畀佢見下？）得㗎啦！」