Juicy叮｜單親媽意外再孕 驚訝難自理男友未考慮見家長結婚

有位育有一名十多歲兒子的31歲單親媽媽在討論區「親子王國」發文，稱近日即使已經做了雙重安全措施，但卻意外再懷孕，但男友完全無考慮過見家長、結婚問題，令她詫異「呢啲男人到底係乜嘢男人?」，對前景十分彷徨。

這位女網民指，男友只是想到要打兩份工，請陪月員，買嬰兒用品，去公立醫院分娩，「完全好似唔知道，無諗過要見雙方父母、擺酒、結婚。呢啲男人到底係乜嘢男人?」女網民不滿，「我同佢講點都要有解決辦法，佢諗咗一晚先至畀到呢幾樣選擇同埋落仔嘅方案出嚟」

女網民提及，「男友佢連畀父母知佢同一個單親媽媽拍拖都未講過，話唔使畀佢哋知，大不了咪以後斷絕父母來往囉，話當初只係想大家一齊住，無諗過要生BB」

女網民又透露，「我係一個單親媽媽自己一個人照顧咗個仔十幾年辛辛苦苦湊到佢大，男朋友根本連一個家庭需要啲開支乜嘢佢都未清楚，喺餐廳叫嘢食都口窒窒，唔夠膽同人講嘢，連眼神接觸都閃縮好多。人際關係嘅都要我去教佢點樣同人相處，啱啱問完佢連陪月要幾多錢，佢都話唔知，佢呢啲都係上網搵返嚟，男朋友廿幾歲，而家返緊嘅工作只係佢第一份正式工作」

女網民又苦惱，「生唔生出嚟，我仲要考慮埋我而家十幾歲嗰個仔嘅意見，就連個仔都覺得呢個叔叔好似生活常識上無知過佢，本身都已經處理緊個仔同男友嘅關係，而家仲要處理多個避孕失敗點樣解決」。

有網民留言安慰道，「佢未反應得切啫 。但都算識諗同有責任心喎。識得打兩份工搵錢，又識請陪月照顧你。你直接問佢結婚點……BB都有咗，要現實角度去計劃所有嘢」、「已經好過好多不負責任的男人啦，打兩份工都辛苦，買去政府醫院生都係慳錢為將來，結婚擺酒洗咁多錢，仲有冇剩錢養B呀？ 大肚擺酒都好辛苦下 不如生完再搞。」、「最少都會努力搵錢負責任，都算唔差架啦，不過都要講清楚係咪會結婚，如果唔夠錢咪唔好擺酒囉」

帖文轉載「同男朋友講可能有咗bb」