Juicy叮｜单亲妈意外再孕 惊讶难自理男友未考虑见家长结婚

有位育有一名十多岁儿子的31岁单亲妈妈在讨论区「亲子王国」发文，称近日即使已经做了双重安全措施，但却意外再怀孕，但男友完全无考虑过见家长、结婚问题，令她诧异「呢啲男人到底系乜嘢男人?」，对前景十分彷徨。

这位女网民指，男友只是想到要打两份工，请陪月员，买婴儿用品，去公立医院分娩，「完全好似唔知道，无谂过要见双方父母、摆酒、结婚。呢啲男人到底系乜嘢男人?」女网民不满，「我同佢讲点都要有解决办法，佢谂咗一晚先至畀到呢几样选择同埋落仔嘅方案出嚟」

女网民提及，「男友佢连畀父母知佢同一个单亲妈妈拍拖都未讲过，话唔使畀佢哋知，大不了咪以后断绝父母来往罗，话当初只系想大家一齐住，无谂过要生BB」

女网民又透露，「我系一个单亲妈妈自己一个人照顾咗个仔十几年辛辛苦苦凑到佢大，男朋友根本连一个家庭需要啲开支乜嘢佢都未清楚，喺餐厅叫嘢食都口窒窒，唔够胆同人讲嘢，连眼神接触都闪缩好多。人际关系嘅都要我去教佢点样同人相处，啱啱问完佢连陪月要几多钱，佢都话唔知，佢呢啲都系上网搵返嚟，男朋友廿几岁，而家返紧嘅工作只系佢第一份正式工作」

女网民又苦恼，「生唔生出嚟，我仲要考虑埋我而家十几岁嗰个仔嘅意见，就连个仔都觉得呢个叔叔好似生活常识上无知过佢，本身都已经处理紧个仔同男友嘅关系，而家仲要处理多个避孕失败点样解决」。

有网民留言安慰道，「佢未反应得切啫 。但都算识谂同有责任心喎。识得打两份工搵钱，又识请陪月照顾你。你直接问佢结婚点……BB都有咗，要现实角度去计划所有嘢」、「已经好过好多不负责任的男人啦，打两份工都辛苦，买去政府医院生都系悭钱为将来，结婚摆酒洗咁多钱，仲有冇剩钱养B呀？ 大肚摆酒都好辛苦下 不如生完再搞。」、「最少都会努力搵钱负责任，都算唔差架啦，不过都要讲清楚系咪会结婚，如果唔够钱咪唔好摆酒罗」

帖文转载「同男朋友讲可能有咗bb」