Rubberband聯同ToNick開線上騷　期待轉換曲風互唱對方作品

樂隊Rubberband與ToNick今日出席記者會，為下月13日舉行的首個線上音樂會宣傳，兩隊大談合作感受。Rubberband主音6號坦言跟ToNick認識多年，但是首次合作開騷，他說：「Rubberband在上半年開咗音樂會，ToNick亦在7月開騷，感覺好似望到大家在十幾年來的努力同堅持，來到下半年大家可以聚埋一齊。」6號提議樂迷不妨在兩隊或大會的社交平台留言，希望在音樂會上聽到那首歌，不過最終要視乎歌曲能否配合主題而選唱，他又指不排除會互唱對方的歌曲：「我最想ToNick唱我哋嘅歌曲變成Punk Rock曲風，呢種曲風係佢哋最耍家。」

ToNick表示跟Rubberband的音樂類型感覺不同，但題材方面匹配：「觀眾可能聽完ToNick歌曲後，Rubberband再玩自己另一首歌，兩首歌中間會有連結或共鳴。」主音恆仔表示製作單位好努力找適合場地，希望呈現本土感覺，最後找來一個近海的地點，更大賣關子稱大家見到時會有熟悉感覺。