星島獨家丨黃宗澤獲撐早應獲視帝：將軍澳太遠，去攞獎好嘥油

黃宗澤（Bosco）、王浩信、張達倫等昨日為邵氏新劇《廉政狙擊》拍攝外景，天氣炎熱下拍攝，Bosco穿西裝演出，他指一個月前拍攝時初嘗中暑滋味，熱到出冷汗又手震，幸好當日拍動作戲有救護人員在場，因此即去吸氧氣：「拍呢部戲我唔多動作戲，最辛苦係背法律條例，人名又係真，所以唔可以記錯，連續拍咗兩日ICAC戲份，講到我口都臭呀！最慘一人一段對白，全部人唔可以錯，背到我就嚟可以做律師。」劇中與好友胡定欣、黃智雯及王浩信等齊齊合作，Bosco笑言連「萬歲」請客都要度期，笑謂食到個個增磅不少。

Bosco當年獲得最高收視的主演劇集《護花危情》將重播，不少網民表示期待，亦為他當年未能奪得視帝替他不值，Bosco謂：「我覺得收視好，觀眾睇得開心鍾意部戲就夠啦！視唔視帝真係無諗。」不過若能奪得視帝獎會否更開心，錦上添花？Bosco即笑說：「將軍澳太遠啦！我去攞獎太遠嘥油。」

劇中飾演警隊高級督察的王浩信，身形fit爆，他指今次角色做事拼搏，有不少動作場面，更指此劇是他最辛苦的頭三位：「本身有75kg，之前拍《刑偵日記》時有80kg，呢部戲拍除衫戲當日係我十幾年嚟最輕磅數嘅一日，只有72kg，對我來講幾新嘗試，幾鍾意造型嘅輕巧狀態。」