胡慧冲增值器材拍片新相機開封一周即跌爛勁心痛

2021-09-27 13:00

居泰港人胡慧冲（Roger）喺疫情下不忘四周圍去，出錢出力發掘唔同景點，報導泰國最新狀態。最近Roger比較清閒，所以絞盡腦汁諗題材，每日喺youtube個人專業出三條片，仲豪花五千五百蚊港幣添置新相機，另外又買埋無線咪，點知新機落地唔夠一星期就跌爛咗，跌到成個鏡頭向下彎，有待修理，真係心都痛埋！有網民仲取笑他，話以為係有轉彎嘅偷竊鏡！

他即解釋說：「人要有進步，影嘢都要求要高清少少，聽聞呢部機影到豬乸都會變貂蟬，所以思前想後買咗呢部相機。平日我唔太鍾意拎嘢，今日心血來潮，帶咗呢部相機出去Siam Square拍片，點知因為承托相機嘅腳架唔夠專業，變咗上重下輕，現場一陣大風將相機同腳架吹倒，鏡頭着地時撞歪咗要入廠維修！惟有當破財擋災，而人為損壞唔包保養，原廠會喺一周內報價畀我。」