陳展鵬讚女兒模仿力高小豬比學爸爸做掌上壓露底勁可愛

2021-09-26 22:30

陳展鵬與老婆單文柔育有萌女陳諾瑤（小豬比），升讀幼兒預備班（N班）嘅小豬比已經2歲，接觸事物愈多愈愛模仿。陳展鵬昨晚（25日）社交平台放咗一條短片，拍小豬比學爸爸喺屋企做掌上壓運動。他留言：「模仿力唔錯，但仍有進步空間，加油！」片中見束住孖辮仔嘅小豬比模仿得相當認真，全身出力做咗幾下，仲扭動埋個PatPat，連條尿片仔都曝埋光，小豬比完成動作後開心到不得了，相當可愛，陳展鵬則在鏡頭後和囡囡互動。

呢條短片上載未夠一日經已吸納到有7.7萬人觀看，可見小豬比吸引力唔遜於展鵬，唔少粉絲留言讚小豬比叻女，網民留言說：「勁喎！」、「papa咁有運動細胞，囡囡必定有返咁上下既已經好叻女啦！」、「將來跟daddy一樣，多才多藝。」、「真可愛Good job, sweetie。」最搞笑有網民竟然提議陳展鵬：「咁你示範一次來看看！」