陳葦璇激罕晒三點式 着舊泳衣證身材冇變過

陳葦璇（Kira）一頭清爽短髮，感覺好男仔頭，雖然大家都見過佢跳性感舞，但三點式就真係激罕好少見。噚日Kira喺IG晒出泳衣照話：「話說我成個夏天都冇去過沙灘，琴（噚）日諗住去買泳衣認真喺夏天嘅尾巴走之前曬下，點知全部地方都係賣緊冬天嘅衫，全屋剩返一件好耐好耐以前嘅泳衣。Anyway，今日好好天，曬左兩個鐘，開心。」

多年前嘅泳衣仍然啱著，即係Kira相隔多年身材都冇乜走樣，依然好fit。另外， Kira平時禾稈冚珍珠，原來上圍都算有睇頭，難怪有網民忍唔住話：「咁索得唔得㗎？」、「流鼻血喇我！」