陳展鵬讚女兒模仿力高 小豬比學爸爸做掌上壓露底勁可愛

2021-09-26 22:30
陳展鵬囡囡小豬比模仿爸爸做掌上壓,動態可愛。
陳展鵬囡囡小豬比模仿爸爸做掌上壓,動態可愛。

陳展鵬與老婆單文柔育有萌女陳諾瑤(小豬比),升讀幼兒預備班(N班)嘅小豬比已經2歲,接觸事物愈多愈愛模仿。陳展鵬昨晚(25日)社交平台放咗一條短片,拍小豬比學爸爸喺屋企做掌上壓運動。他留言:「模仿力唔錯,但仍有進步空間,加油!」片中見束住孖辮仔嘅小豬比模仿得相當認真,全身出力做咗幾下,仲扭動埋個PatPat,連條尿片仔都曝埋光,小豬比完成動作後開心到不得了,相當可愛,陳展鵬則在鏡頭後和囡囡互動。

陳展鵬囡囡小豬比模仿爸爸做掌上壓,動態可愛。
陳展鵬囡囡小豬比模仿爸爸做掌上壓,動態可愛。
露出尿片仔呀!
露出尿片仔呀!


呢條短片上載未夠一日經已吸納到有7.7萬人觀看,可見小豬比吸引力唔遜於展鵬,唔少粉絲留言讚小豬比叻女,網民留言說:「勁喎!」、「papa咁有運動細胞,囡囡必定有返咁上下既已經好叻女啦!」、「將來跟daddy一樣,多才多藝。」、「真可愛Good job, sweetie。」最搞笑有網民竟然提議陳展鵬:「咁你示範一次來看看!」

做咗近10下,好有運動細胞。
做咗近10下,好有運動細胞。
小豬比做完運動獲讚勁開心。
小豬比做完運動獲讚勁開心。

兩歲小豬比模仿力好高。
兩歲小豬比模仿力好高。
陳展鵬同單文柔錫到個女燶。
陳展鵬同單文柔錫到個女燶。
展鵬唔使開工會帶埋囡囡去行山,做吓運動。
展鵬唔使開工會帶埋囡囡去行山,做吓運動。
關鍵字

最新回應

關鍵字

相關新聞

熱門文章