劉俊謙與宋仲基堺雅人爭劇集男主角獎 跟女友撐枱腳慶祝
2021-09-24 22:30 
劉俊謙今日出席活動，期間獲送煲呔，但他坦言一直不懂打煲呔，結果要上網即學即打，幸好出來效果不錯。劉俊謙憑ViuTV劇集《二月廿九》入圍今屆釜山電影節的「亞洲內容獎」最佳男主角六強。
對此劉俊謙表現十分雀躍：「都係啱啱收到消息，對手有宋仲基、李帝勳、堺雅人，全部係我嘅偶像，身邊啲媽媽、妹妹都好鍾意宋仲基，所以能夠一齊提名已經好榮幸。平常心，有提名都已經好開心。」不過劉俊謙表示因近日正開工，因此未能出席頒獎禮，難免有點可惜，但他透露晚上將與女友蔡思韵食飯慶祝，並要求對方向自己送驚喜。
另外，劉俊謙即將為《二月廿九》續集《940920》開工，他透露故事仍會以穿越為主線：「今次我會一人分飾兩角，冇試過，所以都幾期待。」
關鍵字
最新回應