熊黛林攬住寶貝孖女過中秋 露台貼滿燈籠貼紙擔心有排搞

今日中秋節，家有兩位3歲寶貝孖女Kaylor及Lyvia嘅郭太熊黛林好興奮，因為早幾日佢已經同寶貝女喺屋企玩黐黐貼貼準備過中秋，究竟黐咗啲咩?睇阿Lynn喺露台攬住兩個女嘅合照可見，黐咗啲燈籠同燈籠貼紙喺露台嘅玻璃，都幾靚嘅但要搣走好麻煩，連Lynn都係咁講，「順便滿足一下佢哋貼貼紙上玻璃嘅慾望，之前試過貼貼紙上玻璃用咗好耐時間先剷得走。」見Lynn都有啲呻呻哋，咁富貴，點解唔請人返屋企搞掂佢呀?