林作下線違規直播賽事 鍾培生一度想追討逾2千萬賠償

林作與鍾培生的「林鍾大戰」前晚終於圓滿結束，其中林作以「Running Man」和「金蛇纏絲手」的賴皮戰術，最終捱到4個回合穩袋100萬拳酬， 鍾培生更表示未來唔會再同佢打，二人恩怨已解決，不過事件似乎還未告一段落。

其中林作下線、曾打腫鍾培生雙眼的蘇惠宗（阿宗）當日曾在場內進行直播，直播最高峰時更達2.8萬人收看，一度遭三位黑人保安捉住，阿宗昨日在IG限時動態表示：「琴晚暫時靠關係保住咗我，但啱啱鐘（鍾）培生打咗比我，問我28K X $800等於幾多錢。」阿宗違規，隨時要賠$22,400,000元。

其後阿宗又表示：「隨時俾人告，而且呢筆係天文數字，我一定賠唔起。」坦言自己做好破產準備，同時希望眾籌：「希望琴日有份睇直播嘅巴打絲打心意比$50我呀。」不過，他最後亦與鍾培生達成協議，會作出適當的賠償及道歉，事件算完滿解決。
其實大會早已列明嚴禁現場人士直播，而拳賽在鍾培生的YouTube頻道有獨家直播權。