江嘉敏為角色犧牲靚女形象 剪掉10寸長髮秒變Brother

26歲的江嘉敏入行近十年，一直保持住長長秀髮，以嬌滴滴可愛形象成為網民心中的「宅男女神」。不過，江嘉敏近日為TVB新劇《四十二章經》的角色，竟然犧牲靚女形象，昨日（18日）在IG Story上載一張剪了一頭清爽短髮秒變男仔頭的相片，自嘲好似「細佬」，寫著﹕「Say hi to my brother.下次都係叫細佬化返個妝先出嚟見人，而家睇住素顏先。」

今早天未光江嘉敏已返到電視城開工，化完個靚妝、gel行個頭再自拍出post，當堂sharp醒了。對她的新髮型，網民反應兩極，有人指長頭髮最襯她，亦有人覺得能為角色剪到如此短也不容易，大讚她夠專業。

其實江嘉敏未剪頭髮前，秀髮差不多長到腰間，一口氣剪掉逾10寸長髮，難免有點不捨，她寫著：「嗰日係最後一日長頭髮，一路出event心情一路忐忑，買落嘅裙要過一排先着得噜。」