Hillary為拍《膠戰2》努力減肥 踢爆Edan@MIRROR好難約
2021-09-16 07:30 
最近正在拍攝ViuTV綜藝節目《膠戰2》的劉沛蘅（Hillary），天生一副baby face，但天生的包包面卻令她非常困擾，為上鏡更瘦更靚，Hillary近日積極減肥與調理身體，她說：「我不嬲食極都唔肥，但之前去咗內地做嘢，唔知點解食完就肥咗，可能老咗，新陳代謝慢，肥咗近10磅，而家戒食宵食同糖，希望可以快啲瘦返。」
《膠戰2》拍攝如火如荼，Hillary斷言這一季必定會比上季精彩：「因為我哋六個已經熟絡晒，大家都好真實咁相處，又不時互寸，火花愈嚟愈多，私底下我哋都會約出嚟去食飯飲嘢，Edan（呂爵安）係最難約，不過佢都好好，盡量抽時間出嚟。」
另外，早前Hillary重操故業出任廣告模特兒，為日本護膚及化妝品牌拍廣告，期間見她水樽不離手，Hillary解釋：「我而家會每日飲兩公升水，我一向唔鍾意飲水，一日唔飲一杯水都得，知道係唔健康，但有一日見到個好大嘅水樽，好靚，上面寫咗一啲鼓勵字句，買咗落嚟就下定決心每日飲兩公升水。」
關鍵字
最新回應