關楓馨感激港姐令自己蛻變 感恩有呢一個機會接觸不同挑戰

《2021香港小姐競選》於周日正式完滿結束，今屆冠軍由8號宋宛穎奪得、亞軍是15號梁凱晴，季軍則由為14號邵初獲得，邵初同時亦是「友誼小姐」，事前被看好的4號關楓馨（Fabienne）雖然當日狀態大勇，但最後大熱倒灶，在5強止步。Fabienne其父關禮傑事後安排一家人去酒店Staycation，等她可以輕鬆地Relax一下！

小休過後，Fabienne今日在IG貼上比賽當晚在後台化妝的相片，同時撰長文分享從參選至今的心路歷程，坦言這個港姐旅程終於畫了一個句號：「過去呢幾個月，自己真係有好努力同投入去為呢一件事而奮鬥，由一個迷迷糊糊怕怕醜醜嘅女仔，蛻變成今日嘅關楓馨。」她續說：「呢三個月學到嘅嘢，我諗平時可能真係要三年先會學到，好感恩有呢一個機會去接觸到咁多唔同嘅挑戰，做一場咁大嘅show! 沿途亦好幸運地遇上一班好照顧我哋嘅師姐，化妝師，髮型師，排舞老師，catwalk老師，Karen姐，保姆，台前幕後工作人員同dancers，當然最唔少得就係一班好可愛嘅女仔!!由頭到尾其實都唔覺得自己係參與緊一個比賽，因為每一個女仔都不停為大家互相扶持。」

最後Fabienne還說：「好感激屋企人，朋友同所有支持我嘅人，一直不斷為我打氣，多謝你哋個個都咁錫我，不停咁鼓勵我!我會繼續努力，唔會辜負大家對我嘅期望！P.S. 我中文唔係太叻，呢個應該會係我最後一個中文嘅caption ok！」