情侶關係快斷 鄭秀文想去無人島：躲一躲承諾會再生

鄭秀文（Sammi）新專輯《Listen To Mi》連續三星期唱片銷量榜冠軍，當中新歌《無人島》旋律淒美，Sammi更以泥人造型在MV首次跳現代舞。戴上頭套、隱形眼鏡、塗滿一身泥濘的她，與香港舞蹈團首席舞蹈員黃磊完美演繹二人關係中的矛盾和張力，Sammi揚言這是她出道以來最滿意的MV。

Sammi說：「呢首歌感覺比較淒美和另類，呈現一段關係之中嘅張力、角力、愛與恨、不安等情緒，好綁緊的狀態。去到臨界點，關係就快要斷嘅時候，其中一方好想抽離、逃離呢個關係，去到一個無人島盡情釋放就快要爆裂嘅感覺，之後回歸返呢段關係嘅時候，就有重生嘅感覺，就好似歌詞中我好鍾意嘅一句：『躲一躲 我承諾會再生』，任何關係都需要有返自我同埋態度。」

為了「泥人」造型，Sammi和黃磊花了半天妝身，戴上頭套和特別色隱形眼鏡後，化妝師為他們將泥灰一層一層地掃滿全身。然後他們赤腳穿梭於佈滿塵土泥灰的場景中跳舞，一時躺在木枱上，一時跑上樓梯，黃磊單手抱起Sammi旋轉，充滿張力，感覺好淒美。雖然Sammi第一次表演現代舞，但她有跳舞底子又勤做運動，筋骨柔軟，加上黃磊帶動，二人表現非常合拍，令人目不暇給。


Sammi說：「最初開會時，導演（梁華生）構思由專業舞蹈員演出，我一聽到就飛出嚟話好想演呢個『泥人』，好想親自演繹呢段兩個人關係角力和張力嘅部份。我好喜歡現代舞，成日上網睇。我以往唱流行曲都無機會用呢種舞蹈呈現，好高興今次有呢首比較另類嘅歌畀我去演，亦好多謝團隊邀請到黃磊先生演出。」