自稱PTGF始祖沙律拍新戲堅飲酒擸煙灰缸打人入型入格

2021-09-14 20:00

性感女神張沛樂（沙律）在新戲《#PTGF出租女友》中飾演一名PTGF，其實這次已是第二次扮PTGF，早於三年前沙律已拍過話題劇《向西聞記》單元《PTGF&PTBF》，笑言自己都算是ptgf「始祖」。

新戲中沙律跟ToNick的恆仔有不少對手戲，其中有一場兩人邊飲酒邊傾偈，沙律在現場亦飲真酒：「劇組有問拍呢場戲少少哋飲啤酒係咪ok，我話冇問題，入戲啲，飲酒同飲茶唔同feel，啤酒唔會咁易醉，我都飲得嘅。」不過沙律謂若工作時盡量不會飲酒，以免有影響。

拍飲酒這幕戲後，沙律緊接拍攝的是一場「動作戲」；她要擸煙灰缸擊向一位男演員，劇組特別帶來三個膠製的煙灰缸給沙律打人，豈料她連續打爛兩個，剩最後一個道具時，劇組人員提她再打爛就要用真煙灰缸，沙律說：「對手係呆咗望住我，好驚話『你唔好呀！』但最後佢冇受傷，我又冇撞瘀嘅。由於沙律以前有打拳，又玩過武術堂，因此打起來似模似樣。