【星島獨家】重量級男歌手客串《K風暴》 姜濤柳應廷玩手指鬥力鬼殺咁嘈

2021-09-13 02:30
隔住張相都好似聽到笑聲。
隔住張相都好似聽到笑聲。

姜濤和影后毛舜筠(毛姐)正忙於拍攝由彭秀慧執導的英皇電影《K風暴》(暫名),開拍前經過多次試鏡,MIRROR成員柳應廷(Jer)成功獲得角色!電影原本設定姜濤和毛舜筠飾演母子,不過劇本經修改後,改由Jer 做毛姐的兒子,姜濤就繼續做「萬人迷」!日前毛舜筠、姜濤及Jer現身金鐘拍外景,同樣首次拍電影的姜濤和Jer互相照應,休息時仲玩手指鬥力遊戲解悶,兩位「小朋友」超搞笑!

隔住張相都好似聽到笑聲。
隔住張相都好似聽到笑聲。
經理人毛姐帶萬人迷姜濤離開,現場好多老臨「姜糖」。
經理人毛姐帶萬人迷姜濤離開,現場好多老臨「姜糖」。

當日劇組安排了不少臨時演員飾演姜濤粉絲,一Roll機,臨時演員即上晒身變身「姜糖」追住姜濤上保姆車,毛姐和Jer 則在旁護航,最後毛姐做埋司機飛車走人!拍攝前輩毛姐時 ,姜濤和Jer都特別緊張,每拍完一個鏡頭 都會睇Playback !另外,一到休息時間,姜濤和Jer兩兄弟都會情不自禁互相調戲,前者更撩後者玩手指鬥力遊戲解悶,姜濤貫徹玩得就要贏的態度,出力玩到Jer嗌晒救命,兩人十足大細路自得其樂都幾好笑!

毛姐做埋司機接送姜濤。
毛姐做埋司機接送姜濤。
玩手指二人組。
玩手指二人組。

電影以花姐的經理人工作為主軸,而毛姐就是飾演經理人一角,因為將時間投放在旗下藝人身上而忽略與兒子的相處,導致母子關係出現問題,之前盛傳姜濤飾演毛舜筠的兒子,不過為求完美,彭秀慧最後修改劇本。知情者透露:「最後劇本改咗Jer同毛舜筠做母子,都幾有發揮,會成日因為不滿媽咪冷落自己而嘈交,姜濤就做明星,同現實嘅自己一樣由冇人識到做咗萬人迷,佢哋三個有好多對手戲!今次除咗有好多新進演員演出,仲會有一個重量級男歌手客串添! 」

電影開頭構思係姜濤做演毛姐個仔。
電影開頭構思係姜濤做演毛姐個仔。
關鍵字

最新回應

關鍵字

相關新聞

熱門文章