港姐決賽│揀同朱晨麗選美　楊培琳笑師姐廣東話唔正增自信

晉身《2021香港小姐競選決賽》8強的（2）陳懿德、（3）陳聖瑜、（4）關楓馨、（8）宋宛穎、（10）楊培琳、（13）王嘉慧、（14）邵初及（15）梁凱晴進入泳裝環節，眾人將「自問自答」，抽出自設問題考反應，陳懿德指大熱的關楓馨攞獎最唔公平，她搞Gag說：「因為關楓馨入得廚房出得廳堂，而且唱歌仲好似關菊英咁好聽，佢咁完美攞埋香港小姐咪好唔公平囉。」

其中楊培琳因廣東話不好，讀出問題想同哪一位師姐比賽時，因她未有即答，便被司儀鄭裕玲（Do姐）問她：「你知唔知自己問乜？」，楊培琳表示自己的廣東話不地道，而朱晨麗的母語也非廣東話，假如二人同場比賽，可以令她的信心增強，少了一份緊張。如揀較弱的師姐作為對手，她則選曹敏莉，因二人相隔十多年參賽，自己在各方面都較對方發達。