細仔Myles嚇到抓媽咪心口　蔡慧欣拋35D陪仔女玩水

2011年落選港姐蔡慧欣（Gemma）出名身材好，曾於綜藝節目《五覺大戰》擔任神獸天使「騰騰雞」的她，因在環節「飄移昅昅會」以低胸護士Look勁拋35D澎湃上圍，火速成為「宅男女神」！不過自從2017年奉子成婚，嫁給圈外男友Keeman，並先後誕下大女Meghan和細仔Myles後，淡出幕前的Gemma便專心相夫教子，仲不時於IG分享湊仔生活照。

近日水上樂園開幕，她與老公就帶埋一對寶貝仔女去玩，雖然已為兩孩之母，但Gemma身材都冇走樣，當日更以Deep V泳衣大晒6吋事業線！其間Gemma陪住淋水，又陪玩人造浪，快將兩歲的Myles嚇到錯手抓實媽咪心口，Gemma以英文留言：「Meghan同Myles已經問我哋幾時再去呀！」並謂一家四口全日都哈哈大笑，玩得好盡興！