宣布離開合作20年公司 徐天佑曾被打沉：有危先有機

男子組合Shine的徐天佑和黃又南在去年正式拆夥，天佑今日凌晨在社交網發表新動向，透露自己要離開合作20年的經理人公司！

天佑直言選擇離開comfort zone不是一件容易的事，畢竟人生好多高低起跌都與公司一同度過：「我中學三年級，十四五歲開始拍廣告經理人，中五畢業就入行拍戲，一做就做到依家，睇住呢一行嘅轉變，亦睇住時代嘅轉變。試過成功失敗迷惘一沉百踩，記得有段人生跌到谷底再谷底嘅時候，身邊有人仲話想提點我話我嘅事業有危機，我真係多_謝，然後，就算個天跌落嚟我都要食飯架，所以周圍搵下機會，終於真係有導演老闆俾機會，結果仲忙過之前，所以記住就算幾唔掂都唔好俾人打沉，因為有『危』就有『機』，然後，咁就廿年。」

回歸正題，天佑有今次的決定，主要原因是「想繼續push自己」，他亦感恩與經理人這段緣份，「由他小朋友變成大朋友，o靚仔成為人夫，大家都經歷咗好多，真心非常多謝佢嘅照顧。」他強調不是轉行，只是轉個模式再出發，並寄語大家要：「Work hard play hard！身體健康！」看過網民的留言鼓勵，天佑都表示好感動。

現年38歲的徐天佑和黃又南於2001年組成Shine。Shine與Twins同期出道，當年橫掃樂壇多個獎項，成為90後的青春回憶，至去年天佑和又南傳不和至拆夥。