生命影響生命丨玻璃骨女孩斌琳遭遇多迴響 Ian:成件事對我意義好重大

2021-09-10 19:45
節目播出後,惹來不少迴響。
節目播出後,惹來不少迴響。

ViuTV昨晚播出的 《幫緊你應援團》的第四集「玻璃骨女孩的友情萬歲」中,Lokman與阿妹收到Cami的委託,為患有先天性成骨不全症(俗稱玻璃骨)的好友斌琳達成見偶像Ian的願望,最後在製作組同事的安排下,斌琳成功與偶像Ian見面,Ian亦送上親手寫的心意咭,斌琳回家看到偶像的留言後,被感動到流淚。不過還有另一個令大家感動的地方,就是斌琳與好友Cami比親人還要親的關係,Cami對好友那份無私的關懷與照顧,觸動了不少人的心靈,播出後在網上惹來不少迴響。

在節目播出後,在ViuTV的官方網上頻道,播出了一段Ian的短片,當中Ian提到與斌琳見面前夕,他的心情複雜又緊張:「事前諗咗好多開場白,點知行到去佢身邊變得好自然,當刻大家內心好滾動,冇乜思考太多嘢,係好自然咁傾吓偈。好似Cami咁講,斌琳都係一個普通嘅朋友,唔希望大家對佢有一啲特別嘅照顧,當佢係一個普通朋友咁一齊相處同傾偈,所以自己寫咗張咭俾斌琳,寫嗰陣都已經諗好多嘢,有好多說話想同佢講,希望可以俾到啲鼓勵佢,見到佢開心,我都好開心,對我嚟講成件事意義好重大。」

節目播出後,惹來不少迴響。
節目播出後,惹來不少迴響。
Lokman亦有到斌琳家做探訪。
Lokman亦有到斌琳家做探訪。

Ian未有提及太多心意咭的內容,他只說:「當中我有提到,之前有八卦關於佢嘅性格,大家都話佢係一個好開心嘅人,好樂觀,成日都笑,見到佢哋兩個中間嘅友誼,我哋喺側邊睇到都會起雞皮,毛管戙,可以喺人生搵到一個咁重要嘅朋友,係戥佢哋好開心。我本身唔鍾意笑,但係今日見到佢嘅笑容,我好自然咁笑出嚟,原來呢種由心而發嘅笑容,係會感染到人哋跟住笑。」他續說:「我覺得自己嘅努力冇白費,可以帶俾佢咁重要回憶,一直努力做嘢係值得,有一個正面影響力。斌琳都有同講之前睇到我嘅演唱會,所以嚟緊開騷,都留咗兩張飛請佢去睇。」

Ian與斌琳見面。
Ian與斌琳見面。
見到偶像出現自己面前,斌琳當然驚訝又感動。
見到偶像出現自己面前,斌琳當然驚訝又感動。

斌琳在2019年曾經接受過港台節目《明月幾時有》的訪問,當中她提到爸爸在11年前因肝癌過身,當時她曾經有問過上天,為甚麼要帶走她唯一的親人?到了今天見到斌琳仍然很樂觀面對,有網民留言讚她堅強:「斌琳真係好叻,好堅強,好得人鍾意。感謝斌琳嘅正能量。」

而ViuTV的總經理魯庭暉今日亦在IG轉載lan和斌琳的大合照,分享了公司內部日常開會談話內容,而總結是:「咁嘅,或者我地有啲嘢好睇,有啲嘢好難睇。有時做得ok. 有時做得好差。不過,呢班人,個底,應該好心地。」

好友Cami多次感動落淚。
好友Cami多次感動落淚。
Ian坦言被斌琳感染,笑容多了!
Ian坦言被斌琳感染,笑容多了!
睇到偶像寫的心意咭,斌琳感動落淚。
睇到偶像寫的心意咭,斌琳感動落淚。
魯庭暉在IG撰文。
魯庭暉在IG撰文。
阿妹感謝大家的支持。
阿妹感謝大家的支持。
網民留言。
網民留言。
關鍵字

最新回應

關鍵字

相關新聞

熱門文章