生命影响生命丨玻璃骨女孩斌琳遭遇多回响 Ian：成件事对我意义好重大

ViuTV昨晚播出的 《帮紧你应援团》的第四集「玻璃骨女孩的友情万岁」中，Lokman与阿妹收到Cami的委托，为患有先天性成骨不全症（俗称玻璃骨）的好友斌琳达成见偶像Ian的愿望，最后在制作组同事的安排下，斌琳成功与偶像Ian见面，Ian亦送上亲手写的心意咭，斌琳回家看到偶像的留言后，被感动到流泪。不过还有另一个令大家感动的地方，就是斌琳与好友Cami比亲人还要亲的关系，Cami对好友那份无私的关怀与照顾，触动了不少人的心灵，播出后在网上惹来不少回响。

在节目播出后，在ViuTV的官方网上频道，播出了一段Ian的短片，当中Ian提到与斌琳见面前夕，他的心情复杂又紧张：「事前谂咗好多开场白，点知行到去佢身边变得好自然，当刻大家内心好滚动，冇乜思考太多嘢，系好自然咁倾吓偈。好似Cami咁讲，斌琳都系一个普通嘅朋友，唔希望大家对佢有一啲特别嘅照顾，当佢系一个普通朋友咁一齐相处同倾偈，所以自己写咗张咭俾斌琳，写嗰阵都已经谂好多嘢，有好多说话想同佢讲，希望可以俾到啲鼓励佢，见到佢开心，我都好开心，对我嚟讲成件事意义好重大。」

Ian未有提及太多心意咭的内容，他只说：「当中我有提到，之前有八卦关于佢嘅性格，大家都话佢系一个好开心嘅人，好乐观，成日都笑，见到佢哋两个中间嘅友谊，我哋喺侧边睇到都会起鸡皮，毛管戙，可以喺人生搵到一个咁重要嘅朋友，系戥佢哋好开心。我本身唔锺意笑，但系今日见到佢嘅笑容，我好自然咁笑出嚟，原来呢种由心而发嘅笑容，系会感染到人哋跟住笑。」他续说：「我觉得自己嘅努力冇白费，可以带俾佢咁重要回忆，一直努力做嘢系值得，有一个正面影响力。斌琳都有同讲之前睇到我嘅演唱会，所以嚟紧开骚，都留咗两张飞请佢去睇。」

斌琳在2019年曾经接受过港台节目《明月几时有》的访问，当中她提到爸爸在11年前因肝癌过身，当时她曾经有问过上天，为甚么要带走她唯一的亲人？到了今天见到斌琳仍然很乐观面对，有网民留言赞她坚强：「斌琳真系好叻，好坚强，好得人锺意。感谢斌琳嘅正能量。」

而ViuTV的总经理鲁庭晖今日亦在IG转载lan和斌琳的大合照，分享了公司内部日常开会谈话内容，而总结是：「咁嘅，或者我地有啲嘢好睇，有啲嘢好难睇。有时做得ok. 有时做得好差。不过，呢班人，个底，应该好心地。」