跟學友新歌連續兩周港台榜冠軍 Gin Lee粉絲肉緊急催其他台做嘢
2021-09-10 14:00 
Gin Lee（李幸倪）最近成就解鎖，能夠跟自小的偶像「歌神」張學友合唱新歌《日出時讓街燈安睡》，難得兩個唱得之人合體，幕後班底有Eric Kwok作曲加上林若寧的詞，這個組合預了爆紅，果然好快已登上港台《中文歌曲龍虎榜》，仲話咁快連續兩周第一位，粉絲當然好戥Gin開心，紛紛留言恭喜偶像。不過都有心水清鐵粉發現TVB《勁歌金榜》、商台《叱咤樂壇流行榜》及ViuTV《Chill Club推介榜》仲未上榜，即時肉緊留言：「MV好睇！恭喜連續兩星期冠軍，希望好消息陸續有嚟，應該拎到更多No.1」其實每個榜流程都唔同，粉絲唔使太緊張，好快應該會有好消息，學Gin之前訪問話齋，有得同偶像合唱都已經心滿意足啦！
關鍵字
最新回應