姜大衛撐愛子演舞台劇：及格以上

　　(星島日報報道)姜大衛（John哥）和李琳琳的兒子姜卓文（細John）近日主演舞台劇《香港生死書》，昨晚細John獲父母捧場支持，John哥不禁大讚囝囝表現不俗達及格以上，細John即自嘲有如讀書成績亦是及格以上，他坦言得知家人前晚來捧場，出場前緊張心跳。

　　由細John、林宣妤（Serene）與蘇子情（Gabriella）主演，胡恩威擔任導演的舞台劇《香港生死書》昨晚假文化中心公演第三場，細John父母姜大衛（John哥）和李琳琳現身捧場。欣賞完細John的演出，John哥都忍唔住讚個仔：「好難得！做戲、唱歌、跳舞，同舞台劇完全唔同，當中以舞台劇係最難，因為無得NG，我覺得佢都做得幾好！」John亦讚賞兩位女主角的演出。

　　23歲就成為影帝的John哥，原來對舞台劇有一定的恐懼感，他表示：「我都有做過舞台劇，做過三、四次，自己都有恐懼，每次做完都會大病一場，因為壓力太大，大過拍電影好多好多，所以我都估唔到佢（細John）承受到，始終舞台劇好考人，佢做得OK啦，等佢慢慢去感受當中的樂趣。」對細John第一次演舞台劇的評分？John哥：「及格以上啦，好難畀100分！」細John笑說：「同我讀書成績差唔多，都係及格以上！」

　　此外，琳琳姐亦見證了兒子的轉變：「睇到佢喺屋企好用心，每日熟讀自己的對白，以前佢做嘢無咁肉緊，今次真係好努力，希望會有更好的成績。」細John和應媽咪：「我做嘢一向都咁肉緊㗎！」