放假唔偷懶堅持做運動 張曦雯keep住完美身型騷馬甲線

31歲嘅張曦雯（Kelly）擁有精緻五官，即使化淡妝都能透出仙氣。Kelly剛啱拍完TVB劇《白色強人II》，休息咗幾個月，但一啲都冇偷懶，依然好勤力做運動keep住完美身形。

日前Kelly喺IG發布咗一條做瑜伽嘅影片，用英文留言：「開始新一天嘅方式」。影片中，Kelly着住一件藍色長袖露腰Top加襯短身外套，再配一條瑜伽褲，運用高速播放，Kelly做出一連串高難度嘅瑜伽動作，由於鏡以低炒角度拍攝，除影到佢嘅高䠷身形之外，仲隱約見到馬甲線，非常吸睛，短短一日已吸2.7萬個likes。