【噴血指數Up Up】繼續大解放胸壓朱韻韻　33C張曦雯濕身夾出4吋事業線

疫情關係成年幾冇出走，近期不少人都鍾意Book酒店渡假一止旅行癮。日前，剛拍完劇的張曦雯（Kelly）就相約好姊妹朱韻韻去Staycation，連日來兩人也分別於社交網上載大批靚相，幻想自己身處馬爾代夫的她們無論食早餐、歎酒定曬太陽，乜都盡情影一餐！繼昨日開心Share穿比堅尼享受日光浴的噴血合照後，知道一班網民唔夠喉，二人今日再次大派福利，於IG貼出多張濕身夾胸半身Close-up！

相中，擁33C巨咪的Kelly穿上火辣紅色比堅尼，與朱韻韻浸在水中於鏡頭前舉V、嘟嘴扮Cute，而其中一張她更胸壓朱韻韻手臂，雙「峰」瞬間一夾谷出4吋事業線！睇到網民們熱辣辣紛紛大讚：「Too hot」、「超正」、「女神」、「好波」、「流鼻血啦」、「兩位的完美曲線令人陶醉」等，連朱智賢都忍唔住留言：「好少見你咁性感😍女神❤️」朱韻韻則寫道：「相約一起去真正的馬爾代夫💋 #開心就唔怕曬黑 #隔離嗰個人連防曬都冇搽」喺香港Staycation都影咁多靚相，相信飛到馬爾代夫實影到手機爆容量啦！

同場加映，仲有韓君婷於社交網晒白色比堅尼照，一樣都係咁性感！