《尚氣》北美開畫票房僅輸《黑寡婦》 梁朝偉忙裡偷閒到海灘滑浪

梁朝偉主演的漫威首部華裔超級英雄片《尚氣與十環幫傳奇》於上周開畫，北美周末三日收7,140萬美元（約5.55億港元），僅次於今年7月上映、創下8,000萬美元（約6.22億港元）開畫票房紀錄的漫威另一作品《黑寡婦》，但打破2007年電影《月光光心慌慌．殺無赦》創下的美國勞動節周末票房紀錄。至於香港方面，《尚氣》上周四（2日）開畫後，短短4日已創下香港史上9月開畫4天的最高票房紀錄，突破1,800萬港元。

鄭裕玲（嘟姐）主持的電台節目《口水多過浪花》也於今日播出偉仔的訪問，二人當日一見面時更抱抱打招呼。嘟姐表示對上一次見面是2013年，今次訪問上，重提偉仔20多歲時接受她的訪問，希望在36歲退休，偉仔笑言已經忘記了，但肯定當時長期有退休這念頭，嘟姐問到有甚麼事令他改變了這個想法？偉仔笑說：「開始做演員時係好辛苦，但唔經過咁辛苦，就唔會有今日嘅我，而家個人慢慢長大咗，睇嘢同價值觀都唔一樣，個人都輕鬆咗，變咗唔會有咁極端諗法囉！喺最近十年，個人輕鬆啲，唔使話退休，想做咪做囉，攰嗰陣咪停，玩番我鍾意嘅運動！」至於稍後的工作安排，偉仔說：「我之前拍咗一套港產片，遲啲可能會去上海開工，之後再去溫哥華拍一套電視劇。」

連日忙於為新片受訪的偉仔，終於重拾私人時間，見他在社交網的限時動態上載一張拎住滑浪板的照片，似乎是出海滑浪。