同女神梁詠琪拍MV興奮又緊張　張文傑呻難抽離角色：掛住佢幾日

2021-09-06 21:00

動作演員張文傑（German）近日為姜濤及肥仔（梁業）合唱新歌《特務肥姜2.0》的MV演出，因騷肌同兩人對打而引起關注，人氣急升！早前，German又獲其「女神」梁詠琪（Gigi）邀請，為新歌《流金歲月》拍MV，他興奮表示緊張咗幾日：「拍攝當日坐車到現場時，仲好緊張，我好耐冇試過咁緊張！我好喜歡睇《初戀無限Touch》，希望有一日做佢嘅沈志康（陳曉東戲中角色名稱），仲好記得佢唱《幾分鐘的約會》。」

提到起初以為有動作打鬥場面，未料導演Maggie指是演繹前夫一角，回顧婚後甜蜜幸福的畫面，German直言心情極為複雜：「好興奮又好膽心，除咗動作戲份，我一直都想挑戰唔同嘅角色，但膽心自己演得唔好，因為我從未試過演繹咁溫馨嘅角色。」拍攝當日，他見到Gigi時即投入角色，「已經唔可以尷尬，要忘記緊張，只係全程投入，已經當咗Gigi係我最愛嘅人，望住佢，幻想同佢一齊時候嘅美好，一路感覺到好甜美。」