Juicy叮｜屯門「走雞」掀鬼月猜測大半日後揭露來頭

2021-09-04 15:05

屯門驚現走地雞通街跑。有網民凌晨發文指，在一個輕鐵站附近發現一隻雞在路上徘徊，於是報警及致電漁農自然護理署求助。事件引起網民猜測雞隻來頭，有人更懷疑跟「邪門嘢」有關！

該名網民在社交媒體Facebook群組「真.屯門友」上載圖片，指他今日凌晨零時許，在屯門輕鐵三聖站附近，發現一隻走地雞，並在他前面走來走去徘徊。樓主形容該隻雞「好似搵我救助咁，好可憐」，遂致電漁護署求助，但職員到場後卻找不到雞隻。

帖文引起網民熱議，有人表示昨日傍晚6時許已在三聖廟近錦暉花園橋底發現該隻雞，指牠一隻腳上綁有綠色索帶；有人就猜測是「7月拜神雞」、「唔記得邊個鄉下嘅習俗係，屋企人過咗身就會放隻雞」、「仲未過七月節，會唔會係有人用隻雞嚟做某啲邪門嘢」，一時間網上議論紛紛。

不過其後就有網民指出，位於三聖墟的青山三洲媽廟飼養了一隻雞多年，懷疑涉事雞隻是從廟中走失。直至今早10時許，樓主更新帖文稱，已證實該隻雞屬於青山三洲媽廟，廟方亦已派人帶走該隻雞，結束這場「驚魂記」。

資料來源：「真.屯門友」FB