港姐吸引力今非昔比？ 向海嵐：似係選演員多過選美

向海嵐近日接受商台訪問，問及近年港姐聲勢不復當年，她直言：「我認為近呢六、七年港姐定位改變，我嗰個年代選咗出嚟係代表香港，要參加環球小姐、世界小姐，做好多親善工作。但近年嘅港姐似係選演員多過選美，但咁唔代表唔好，好似麥明詩、馮盈盈個性都好突出。」

近年向海嵐把工作及生活重心移回香港，還與兩朋友合作開樓上珠寶店，工作如意，但感情似乎一直空白，她直認性格內向封閉不善交際，對上一次拍拖已是六年前上海工作期間的圈外男友，她坦言已很習慣及享受單身生活：「我覺得時代改變咗，單身都可以好開心，而家啲女仔可以好獨立，唔需要再依賴男性，我單身咗五、六年，好享受單身自由。」

是否性格太強不夠小鳥依人？向海嵐坦認：「係，但我想問係咪所有男士都只鍾意小鳥依人？我相信百貨有百客，我仍然憧憬婚姻，仍然相信愛情，仍然希望搵到一個伴侶分享我嘅人生。」對於感情，向海嵐採取寧缺勿濫態度，亦從不抗拒跟圈中人拍拖。