【獨家】跟學友合唱《日出時讓街燈安睡》 Gin Lee明白神同人分別

2021-08-29 23:15
Gin Lee跟「歌神」學友合唱《日出時讓街燈安睡》,令她終明白神同人分別。
Gin Lee跟「歌神」學友合唱《日出時讓街燈安睡》,令她終明白神同人分別。

Gin Lee(李幸倪)最近成就解鎖,有機會跟偶像「歌神」張學友合唱新歌《日出時讓街燈安睡》,小學便迷上「歌神」歌聲的她,仍未能消化喜訊,但錄音時為免破壞難得機會努力按捺住興奮心情,Gin坦承合作後更加明白神與人分別,提醒自己繼續進步。講到將此喜訊出post,竟被誤會公佈婚訊,她笑言真正結婚時會考慮這方式宣佈。撰文:杜淑霞 攝影:譚壹致

Gin Lee跟「歌神」學友合唱《日出時讓街燈安睡》,令她終明白神同人分別。
Gin Lee跟「歌神」學友合唱《日出時讓街燈安睡》,令她終明白神同人分別。
Gin坦言跟偶像學友合作過程太不真實,最初連家人都未敢透露半句。
Gin坦言跟偶像學友合作過程太不真實,最初連家人都未敢透露半句。


本來《日出時讓街燈安睡》是Eric Kwok為Gin度身訂造,但太太葉佩雯卻夢見Gin跟學友合唱,Eric最初也覺冇可能,但儘管跟老闆黃劍濤提議搵學友,怎料對方很喜歡歌曲想自己唱,Eric建議他不如跟Gin合作,他竟一口答應,不過最初Gin並不知情,直到錄音前一星期才知。緊張多日後終見到偶像兼一齊錄音,Gin形容太夢幻,「佢把聲喺我耳機出現嗰吓我直情毛管戙,好震撼,我按捺住,但心裏面不停話好好聽,我哋錄完傾偈時,我就同佢講『唔好睇我頭先好冷靜,其實我係好努力按捺住心入面興奮同感動,因為我要保持住我嘅專業』,我全程係用理智㩒住我嘅興奮,返到屋企我先尖叫,好彩好順利,冇喺偶像面前失準或者甩漏。」

Gin笑言就算同公司也不敢想跟「歌神」合作,「佢係神嚟,好難觸碰到㗎!」
Gin笑言就算同公司也不敢想跟「歌神」合作,「佢係神嚟,好難觸碰到㗎!」
能夠跟小學開始已迷上的偶像合作,Gin見到學友時表面上很冷靜。
能夠跟小學開始已迷上的偶像合作,Gin見到學友時表面上很冷靜。


出post被誤會公佈婚訊



Gin由小學一、二年級《吻別》開始已是學友粉絲,在家或在爸爸車上都會經常聽偶像歌曲,五、六年級時最愛跟學友「合唱」對方跟陳慧嫻的《愛和承諾》,「我成日會扮陳慧嫻嗰part,連啲和音都熟到不得了,鍾意合唱歌因為有得參與,諗番細細個有呢個夢想喺潛意式裏面,成件事好奇妙。」入行11年Gin終夢想成真,她體會到神同人分別,「我真係feel到,完全唔同境界,我喺隔離有個感覺,覺得自己好渺小。最大啟發係歌者係要用時間去累積,佢令我更加有火,更加想做好啲,慢慢鑽研更多嘅嘢。」至於出post被誤會是婚訊,她笑言將來真正結婚可以考慮用這方式,「邏輯上面唔啱,『He said yes』即係我求婚,我想講我應該唔會,都想keep住女仔少少矜持,應該講『I said yes!』(你真係結婚再咁寫?)都可以,哈哈!」

Gin直言錄音時超級緊張,要努力按捺住興趣才順利完成。
Gin直言錄音時超級緊張,要努力按捺住興趣才順利完成。
Gin第一次錄《日出時讓街燈安睡》時,還以為是獨唱版。
Gin第一次錄《日出時讓街燈安睡》時,還以為是獨唱版。
Gin將跟學友合作的喜訊出post,只留言寫「 He said  yes」,令粉絲誤會她公佈婚訊。
Gin將跟學友合作的喜訊出post,只留言寫「 He said yes」,令粉絲誤會她公佈婚訊。
Gin早前擔任《聲夢傳奇》導師,因太投入自覺似當他們媽媽。
Gin早前擔任《聲夢傳奇》導師,因太投入自覺似當他們媽媽。
關鍵字

最新回應

關鍵字

相關新聞

熱門文章