Gin Lee與偶像合唱終圓夢 張學友坦承有放棄念頭

2021-08-13 07:30
能夠與偶像合唱,Gin坦言已經圓夢了!
能夠與偶像合唱,Gin坦言已經圓夢了!

Gin Lee李幸倪早前推出新歌《日出時讓街燈安睡》邀請到歌神張學友featuring,能夠與偶像合作,對Gin Lee來說是一次圓夢的機會,亦是歌手生涯中的里程碑。是次合作其實得到負責作曲及監製的Eric Kwok穿針引線才成事,他們亦在訪問中大談今次合作的經過及當中的趣事。

能夠與偶像合唱,Gin坦言已經圓夢了!
能夠與偶像合唱,Gin坦言已經圓夢了!
三人接受訪問,分享合作經過。
三人接受訪問,分享合作經過。

能夠邀請到歌神張學友合作是非常難得的機會,而歌神亦解釋了當中的難度,他說:「第一,我從來都冇離開過環球,所以唔係環球嘅歌手咪好難囉;第二,以往我經常舉行巡迴演唱會,每次都至少一、兩年時間在外地演出,但係而家因為疫情嘅關係,我就冇喺內地搵食,所以咪成日都喺香港;第三,我覺得這首歌動聽,林若寧嘅詞填得很好,原本我同Eric講不如畀我唱,點知佢話呢首歌畀咗Gin唱,所以咪有一起唱呢個想法。第四,Gin本身是個很好嘅歌手。」克服了以上四個難關,所以促成了今次Gin與學友的合作。

原來學友最初曾主動要求唱這首歌。
原來學友最初曾主動要求唱這首歌。
學友讚Gin唱歌很好聽。
學友讚Gin唱歌很好聽。

今次《日出時讓街燈安睡》以一個奮鬥了一生但還未達到心中成就的人作故事藍本,雖然還未取得成功,但他選擇休息一會才發現自己錯過了身旁美好的事物,Gin說:「我覺得呢首歌適合唔同年齡嘅人,因為到咗唔同人生階段都會想停一停,審視自己正在走嘅路。」Eric亦覺得只要生活在大城市,面對各種競爭而沒有時間享受人生的人都會有共鳴。而學友覺得,人在不同階段都有想放棄的心,但這念頭卻能化為堅持下去的動力,他說:「我覺得呢首歌寫得很好嘅地方係,一個放棄嘅念頭出現咗,每人都有唔同嘅選擇,我亦曾經諗過係咪要放棄,但回頭諗諗,我仲可以做啲嘢呢?喺唔同階段都會有機會出現放棄念頭,但係可以畀你檢視自己,先會選擇堅持。」

關鍵字

最新回應

關鍵字

相關新聞

熱門文章