密實造型拍《水著考有Feel》 MIRROR信心爆棚定必戰勝ERROR

ViuTV特別節目《水著考有Feel》今日在水上樂園拍攝，由ERROR對戰MIRROR的四位成員包括楊樂文（Lokman）、江𤒹生（Anson Kong）、王智德（Alton）和陳瑞輝（Frankie），不過眾男打扮密實，不但穿上滑水衣襯沙灘褲；更披著毛巾，MIRROR四子笑言要對付矛招百出的ERROR，因此策略是衣服愈多愈好，隨時可以脫下來防禦。另外，MIRROR四人又說會主力攻擊梁業（肥仔）和何啟華（阿Dee），更取笑郭嘉駿（193）像豆腐般潺弱，Lokman笑說：「對付肥仔要用生理上嘅攻擊，阿Dee就要用心理戰，要不停讚佢有型靚仔，鬆懈佢嘅心房，193同保錡嘅作戰能力就最弱，193郁下就斷手，驚整傷佢添。」Anson Kong又指隊友Edan是主持之一，因此更有信心勝出。

對於MIRROR會主攻肥仔和阿Dee，肥仔笑說：「關我咩事？阿Dee先係遊戲界『揸男』；揸流灘之王，193同保錡先至最認真去玩，因為佢哋趕收工。」阿Dee又搞笑說被MIRROR欺凌，因四人各用手提攝影機對住迫他承認自己是ViuTV一哥。

Edan向姜濤舉中指被指是欺凌好兄弟，193稱無留意報導，更即場以中指對著隊友，又即場推撞肥仔扮不和，肥仔就沒好氣地說：「你們鍾意啦，我份人比較腍善。」