【獨家】欣賞Edan多才多藝 陳潔麗努力向年輕歌手學習
2021-08-25 00:37Video Player is loading.
闊別香港舞台3年，「Hi-Fi天后」陳潔麗（Lily）將於9月12日假旺角麥花臣場館舉行《陳潔麗唱奏會2021》，今次Lily由經典金曲《從不知》唱到近年Hit歌， Lily亦跟得好貼，好欣賞多才多藝，自彈自唱嘅MIRROR成員呂爵安(Edan)，仲話演唱會有可能揀唱《E先生連環不幸事件》。採訪：方騫平 攝影：梁志明 髮型：Philip lee 化妝：Kenneth Wong 場地：興明亞洲工程有限公司
38歲陳潔麗冇「吹水」，冇畀記者考到，即席清唱咗兩句呢期最愛嘅Hit歌《E先生》，坦言呢首歌喺佢演唱會嘅選單入面：「我唔算係鏡粉，但有關注佢哋啲作品，因為音樂團隊會提供好多資訊畀我，我特別欣賞Edan，因為佢會自彈自唱好有音樂才華。」
活到老學到老
Lily唔怕年輕偶像充斥樂壇，她信心滿滿說：「每個藝人都有唔同特色，歌藝都唔同，我喺佢哋身上都學到一啲我唔知道嘅嘢，做歌手要保持開放態度，唔好固步自封，我好鍾意吸收。(會唔會邀請佢哋合作？)我唔敢喎！佢哋咁犀利。」至於Fans最想聽Lily演繹鄧麗君嘅歌，不過喺演出前，歌單都有調整。另外，今次陳潔麗更有突破性演出，除咗挑戰四面台外，仲會有別以往的音樂會，只有4位琴手作伴奏，所以都幾緊張。
關鍵字
最新回應