Juicy叮｜為女兒「釣金龜」 一家「充大頭」租豪宅 網民質疑成效

為嫁個有錢人，你可以去到幾盡? 有網民在討論區指，舅父為了讓30歲女兒「釣金龜」，決定一家租住豪宅，雖然每月經濟壓力大，但希望投資女兒身上，令她嫁個有錢人，親友們好心勸告，但舅父一意孤行，事件引起熱議，有網民揶揄此為孟母三遷的故事，但質疑成效。

該網民在香港討論區以「為咗釣金龜」，舅父一家堅持要搬去豪宅住為題發帖，指舅父近日「無啦啦話要搬去豪宅住」，月租比現時貴一大截，面積又細過目前。樓主阿媽問舅父，才知原來為了表姐，「舅母一直想表姐嫁個有錢人，所以之前係咁嫌棄表姐啲男朋友，搞到表姐成30歳人都仲未嫁得出。」

舅父一家認為與同住的地方有關，故趁現時單位租約到期，「狠心啲搵咗個豪宅盤」，希望表姐識到有錢人，成功釣金龜。樓主指，「阿媽勸又勸過佢哋，因為咁樣每個月經濟壓力都好大，但佢哋堅持要咁做」，樓主只好希望舅父一家成功。

不過網民似乎「唔睇好」， 批評舅父一家「充大頭鬼」、拜金，視女兒如貨物，「等高價出貨」，有人更質疑「香港人有幾可會同隔離左右傾計」、「可能對家見你住豪宅先考慮 ，兩邊都係扮有錢」、「交貴租交到破產都仲未嫁得出個女。」

不過也有網民分享，同事也用同樣策略，「一有時間就入去會所做gym，游水，閒坐，搵機會識人」，但未有透露成效。

來源：香港討論區