【逐漸上水】再公開課金平台吸客細So開Live歌單感覺好灰

2021-08-25 19:30

細So(蘇耀宗)去年遭商台解僱後，以個人身份接工作，但去年9月被踢爆背妻阿Wing偷食白滑KOL兼人妻練美施（Macy），辛苦建立多年的好老公及好爸爸形象盡毀，雖然最後獲太太原諒，但因偷食事件中包含搞大人個肚及性病，令細So在香港的演藝工作全失，一家四口最後低調移居英國。

深潛近一年，細So再活躍社交網，在久未更新的IG即時動態上載相片，當中有風景照亦有自己的背景照，最近更有新動向大家宣布。

今日，細So在IG Story上載自己的Clubhouse語音社交聊天APP的版面，Clubhouse內可以開啟類似Podcast的聊天室，圖中有佢被追蹤嘅人數亦有佢Follow嘅人數，前者2100後者219，當中公告名為「My Daily Live」(以前喺IG開Live名稱一樣)的開Live播歌時間為逢星期一至五，每晚11點半至12點，身處英國嘅佢仲寫明係香港時間，另外最重要一欄係佢亦有公開課金平台Patreon的帳號「Danny Oldman」，該平台最低消費每月五美金（約港幣39元），課金後便可以收看細So的Live片段，翻查細So的Patreon記錄，由去年9月，即發生偷食事件同月已開設，運作11個月已有20段片，所以之前有報道話細So睇準時機復出，為養家謀出路其實唔成立，因為課金平台一直都有。