孭住「星二代」包袱入行並不容易 陳宇琛：係一條好難行嘅路

本月22日是石修之子陳宇琛（Sam）的42歲生日，原來當日亦是他入行18年的大日子，Sam從2003年加入TVB拍攝《當四葉草碰上劍尖時》後， 一直演出不少劇集，可惜發揮機會不大，到了2014年離巢轉到HKTV，期間亦有參與幕後工作，到去年尾在ViuTV劇《男排女將》中「黃金Sir」一角，反而多了人認識！今日Sam在IG留言，分享自己這些日子在娛樂圈工作的點滴：「 最近諗緊我喺呢行種種經歷，發現原來我一直抑制咗好多諗法同情緒。」

當年Sam在大學讀書的時候，主修建築系，因從小不時到片場探班，在耳儒染下難免對娛樂圈產生興趣，後來決定步爸爸的後塵加入娛樂圈，當時父母都有點訝異：「2004年嗰陣我24歲孭住『星二代』包袱入行。 好多人以為係一條捷徑，但實際上係一條好艱難嘅路。入行嗰陣得到好多關注，但係我嘅成長一直好低調，所以當時唔識面對同處理。 感覺好尷尬，好似俾人一直批判。 加上大家對我嘅表現有好大嘅期望，而我對自己都有好高嘅要求，非常大壓力。 同時間經常有人同我講要喺呢一行生存，就要聽話。 因為咁，我慢慢迷失咗自己嘅定位identity，開始封閉自己。」

雖然最初的工作確實令Sam充實和得益良多，不過因為一些人事變動，令他的工作起了很大的變化：「突然間令我失去咗好多我應該有份參與嘅劇集演出，幕前工作180度轉變，俾人安排做返一啲啱啱入行嘅嘢，完全唔起眼嘅節目。當時感覺好難受，好似俾人betray，對公司好信任亦付出咗咁多，拍劇捱到體力透支，身體受傷都好似白費晒。因為好鍾意做戲以為仲有一絲希望都想堅持落去。我唔係帶錢返工嘅人，嗰陣每個月人工係$8000 ，有時到月尾戶口得返$100-200，好彩自己喺出邊都接到啲jobs可以頂得住吓。」

在這段時間，Sam更坦言連拍了7年的未婚妻亦要call off婚禮：「感情同事業都失敗令我跌咗入一個好dark & depressed嘅位。終於到我喺TVB第10年，2014年有一間籌備中嘅電視台(HKTV)搵我過檔，offer我四倍嘅人工，我考慮咗好短時間就應承咗。18年嘅故事係比較長氣啲，人生嗰啲嘢係咁㗎啦！」