胡定欣罕晒一件頭泳衣相 激發潛能迎接2024巴黎奧運

胡定欣向來鍾意運動，多年來都keep得一副好身材，不時在社交網上載做gym跑步相，大晒纖腰。不過，定欣甚少公開泳裝照，對上一次已經是2019年與胡說八道好姊妹到馬爾代夫旅行時拍攝的三點式。

日前定欣在社交網激罕晒泳照，雖然是一件頭泳衣無甚睇頭，但亦盡顯她的fit爆身材，其後她再上載做gym 相，表示：「奧運會期間睇住一班運動員點樣憑住自己的意志去戰勝自己，都激發了自己做運動嗰份耐力和持久力。」再hashtag表示給自己一個目標：「#2024巴黎奧運見 #巴黎鐵塔下等 #不見不散。」好友謝東閔笑問她想參加什麼項目，她搞笑回應: 「霹靂舞」，另一好友袁偉豪即搶答: 「auntie 勁飲大賽」。