「大姜的愛」續集 姜濤靠型撼贏Edan教主輕易當男主角

人氣男團MIRROR其中三位成員姜濤﹑盧瀚霆（Anson Lo）和呂爵安（Edan），早前為連鎖快餐店拍攝「大姜的愛」短片，大玩hehe戀，吸引一眾fans捧場。昨晚推出約7分鐘的續集「大姜真愛《男兒爭入樽》」，三子繼續一同演出，今次故事講到三人要爭做籃球片的男主角，其中今次短片導演、林嘉欣老公袁劍偉也客串演出「導演」，要在三人中選出男主角，甫開場他們即已唇槍舌劍互窒，十分搞笑。

首先Anson Lo找來粉絲「神徒」做啦啦隊，跟他一同載歌載舞，身穿籃球背心的Anson Lo卻被網民發現他冇腋毛，腋窩白滑。接着Edan出招大晒球技，當中更有一絕招「垂直的薯條」，百發百中。正當兩人沾沾自喜以為必做男主角時，袁劍偉竟說原來一早已找了姜濤做男主角兼即場播片，看完片後Anson Lo及Edan「喊晒口」相當失望，此時姜濤得戚說：「等你（Edan）操番好啲球技？定等你（Anson Lo）啦啦隊成團呀？打波同食快餐一樣，都係靠速度，點可以停喺到等㗎？」短片昨晚10點播出，直至今早已有超過21萬點擊。