與古天樂籲同工同酬 吳君如：殘奧同奧運金牌奬金差天共地

吳君如監製及主演的電影《媽媽的神奇小子》，當初是因為古天樂跟她分享了殘奧冠軍蘇樺偉的故事。在電影發布的特輯中，君如與古仔對談，呼籲「同工同酬」，希望有更多的人關注到殘疾人及殘疾運動員。
君如謂蘇樺偉是一個好經典的殘障運動員，雖然輸在起跑線，但拿了好多好多金牌，但正如古仔說，感覺上社會沒太關注殘障人士、殘障運動員。君如稱：「其實當年都唔公平㗎，因為攞奧運金牌嗰啲好多錢㗎，殘障嗰啲好少錢，津貼又好少，殘奧金牌同奧運金牌嘅獎金係差天共地。」

君如坦言拍這部戲令她深深體會到，原來很多人忽視這事；古仔謂：「第一唔係同工同酬，第二其實大家對殘疾資助又好，攞獎又好，其實冇人知道佢哋嘅辛酸。」君如續謂蘇樺偉有時不能坐下要站立，「因為佢傷晒腰骨，我問蘇媽，有沒有做物理治療、去睇醫生？佢話邊有錢睇醫生，睇親都自己畀，因為已經冇攞津貼。」蘇樺偉退休後打份工，已變回普通人，但運動員付出半生努力，得回來的卻是身體上更多傷患。