媽媽的神奇小子｜Locker同吳君如吵大鑊崩潰爆喊

電影《媽媽的神奇小子》跟據前殘奧金牌得主蘇樺偉的故事作真人真事改編，優先場連首日票房瞬間超過100萬。身兼監製兼主演的吳君如對此佳績表示：「我哋全部人都好似今屆奧運港隊攞到佳績一樣咁振奮！希望大家支持套戲外之餘，最重要係支持我哋出征殘奧嘅團隊！」
飾演蘇媽的君如與飾演蘇樺偉的梁仲恆之間的母子情當然成為電影重點，但君如與演細仔蘇健瑋的林家熙（Locker）都有一段激烈的爭吵戲份，非常催淚。Locker演戲經驗不多，故參與今次拍攝都十分緊張。其中一場戲講述Locker將對父母埋在心中的不滿及埋怨，向媽媽君如全爆發出來，同時亦要訴說自己從小受到媽媽的忽略，失去了父母的關心，這段內心戲相當複雜。

拍攝前Locker跟導演、君如研究如何去演繹，但拍了兩次都未達到預期效果。後來君如再教他如何控制情緒，亦引導他去勾起一些難過的往事。終於拍了三次後就掌握到情緒，順利完成這場戲。拍攝後，大家都鼓掌，君如都拍拍他的背安撫，亦大讚他演得好。
Locker的情緒在停機後亦要一段時間才能平伏。演他爸爸的錢小豪都說：「阿仔好慘，這場戲好激情，他被媽媽誤會，傷害了他。」Locker說：「這場戲講我十幾年來第一次跟媽媽鬧大交，媽媽以為我好曳去呃人錢，但其實我是為屋企出分力。」他很多謝君如、導演給他時間消化，亦逐句對白跟他解釋。他說：「我連閱讀劇本都唔太識，好彩大家都給我時間及提示，在沒有壓力下演出，感覺好舒服。作為新演員，完成了這場戲像成就解鎖了。」