零妝自拍話好掛住屋企 32歲文詠珊突變22歲

由去年爆發疫情開始，文詠珊(Janice Man)就開始長居上海，本年初曾短暫回港，雖然前年10月與Carl結婚，嫁入豪門升呢做過億闊太，但JM仍然好努力工作。最難得老婆因工作關係要長駐內地，但Carl都一樣陪伴在側，好幸福。

JＭ嘅IG通常都係放工作嘢，一係劇照一係廣告相一係雜誌相，尋日難得Po自拍照，連當事人都話係久違的自拍，佢話:「想家了」，如無意外，呢個家應該係香港屋企。留意重點，戴住漁夫帽嘅JM着住粉紫色嘅Tee，再配合遮眼同遮嘴表情，嘩，冇化妝嘅JM點睇都唔似32歲，話佢22歲都有人信。