Fans出動軒公廟兼兩梳蕉表達愛意 張敬軒：老衲我倍感感動

有半年未有出席公開活動的張敬軒，昨晚終在中環出席活動，當然有不少fans撐場，活動過後，軒仔在IG限時動態連出多個post感謝Fans，由於軒仔曾叮囑Fans不要破費送禮物，fans即識做地送上兩梳蕉，連保安也爆笑反問：「Why Banana？」而最有創意非「軒公廟」莫屬，軒仔亦笑說：「好似紙紮舖入邊嘅！」其後，軒仔又以「遮遮」最愛的麵包為大合照中的Fans遮樣，留言再三答謝粉絲：「真係好耐冇見過識郁嘅你哋喇，知道有啲朋友仔好早就到咗，七月流流仲要搬埋啲廟吖、紙吖、燈吖嚟，老衲我倍感感動，多謝大家，大家要齊齊整整，我哋好快會再見。」此外，軒仔又上載網友改圖，將其自摸照片P成13條腰，笑稱為「自摸十三腰」及「自摸十三腰單吊一筒」，並留言說：「有冇人同我一樣真係走去數係咪13條腰。」大放笑彈！