收起齊蔭頭冇人認得 炎明熹即變「發怒的火星人」

炎明熹（Gigi）成TVB選秀節目《聲夢傳奇》三料冠軍，齊蔭look已成為其招牌造型。不過，Gigi日前就跟一班《聲夢》學員去主題公園玩足一日，為免太過張揚，Gigi戴上cap帽遮樣，即被大家笑指「唔認得」，笑問：「你個signature冇咗喎，你係邊個呀，見唔到你嗰個...。」即令Gigi變成「發怒的火星人」作狀打對方。

林君蓮在其Vlog上載影片，公開一班《聲夢》學員私底下最真實一面，炎明熹、鍾柔美（Yumi）、林智樂（Felix）、孫漢霖（火雞）等都有份去玩。一班女仔相當準時，反而是兩個男仔遲大到，最後要被罰企在路中間，大叫：「今晚8點半！聲夢傳奇！」笑到一班女仔彎晒腰。

他們在場內食玩兼講是非，火雞和文凱婷（Aeren）曾被導師李克勤踢爆戀情，期間有人指曾目睹火雞挨向Aeren，玩到身水身汗時，火雞又叫Aeren聞一聞自己身上有沒有臭味，關係曖昧；Yumi更搞笑稱呼2人做「姑丈、姑媽」，但他們強調沒有拍拖。