Juicy叮｜網民重遇突劈炮清貧女上司 揭中六合彩後買樓歎世界重投職場

有網民在facebook專頁「奴工處」指，重遇昔日突然賠錢辭職的女上司，得悉對方原來中了六合彩，於是買了一間高尚住宅，享樂半年花得七七八八，所以重回職場。

發文者說，幾年前女上司是典型的打工仔，對方生活簡樸節儉，「住中上環啲舊樓成日呻間屋甩皮甩骨，有錢一定搬出去。佢食個飯都要睇價錢，叫凍飲都唔捨得，冇嘢做就睇樓價，但又冇錢買。」

直至某日女上司竟然賠錢辭職，發文者感到好錯愕，因以對方的經濟狀況，好難貿然裸辭。近日發文者工作上重遇女上司，還請發文者食大餐。「原來佢嗰日炒我老闆之前中咗六合彩，佢買咗層九龍西嘅貴樓同放咗半年假，之後剩返唔多，唔夠佢同佢老公過世，所以重要返工。」

發文者慨嘆，「雖然中咗六合彩頭獎都可能要返工，但係呢筆錢都可以令生活冇咁艱難，幾時到我呀？」

有網民留言稱，「呢個故事好勵志，我會繼續買六合彩」；也有人認為女上司發達後「仲記得請你食大餐，真心記得你」。也有人戲言，「原來... 真係有『人』中到六合彩㗎！」

也有人質疑，「中一次六合彩買九龍西貴樓？俾首期呀？」，隨即有人反駁並無不可，「兩億係貴，六球都可以係貴」、「佢日日睇樓市，應該係原本就有存定一筆錢等買樓」。

帖文轉載自facebook專頁「奴工處」