開Live勸Fans唔好再嘥錢應援送禮 張敬軒歎香港地搵錢唔容易

今年是張敬軒出道20周年，其歌迷在他不知情的情況下，早前就租了郵輪上的燈牌寫上「HINS CHEUNG HAPPY DEBUT 20TH ANNIVERSARY」。而張敬軒亦有轉發歌迷拍到郵輪應援燈牌的影片，更以千字文發表出道20周年的感想，同時請歌迷不要浪費金錢搞應援。

不過張敬軒十分愛錫歌迷，即使不支持歌迷課金應援的行為，亦為了不讓歌迷失落。因得知有巴士站應援燈箱的照片，是歌迷於他個唱拍下的，於是為了穿上相中的登台服，專程請同事到倉庫找出同一件衣服。再趕及於晚上12點前到巴士站應援廣告燈牌拍照，當給歌迷一個交待。

他昨晚(7日)於紅館為《太極Rainbow After Rain演唱會》擔任嘉賓後，今日凌晨於IG直播約20分鐘，再度提醒歌迷說:「我好感恩大家咁錫我，但我唔鍾意大家使錢。正如大家今晚(7日)喺紅館後門送禮物，買好多嘢畀我，其實我生活上嘅必需品，我都有喇!大家真係唔好使咁多錢。因為唔知係咪個人年紀大咗呢?我對消費嘅觀念...我好多謝大家錫我，但我唔想大家咁樣使錢，尤其而家香港地搵錢真係唔容易。」事後更罕有地Save低個IG直播，相信是希望每位歌迷都能聽到他的心聲。