龔嘉欣等待對的人 黎諾懿拒介紹筍盤： 佢開口排到落樓下

龔嘉欣和黎諾懿今日出席慈善團體開幕活動，提到4歲囝囝「小春雞」日前被蚊咬到右耳腫到變「豬耳」，黎諾懿表示當時正在清洗用具，兒子在室外玩掘泥。他說：「我諗佢成隻耳仔起碼被咬咗四、五啖，腫咗兩倍，佢返入嚟咬到腫晒，我個心寒一寒，老婆嬲咗我兩日。」他表示兒子被蚊咬後發燒，為了照顧兒子兩晚無覺好瞓，不過教導兒子下次被蚊咬要返入室內，自己亦受到教訓，以後清洗用品應交由工人姐姐處理。他更透露現正懷孕的太太預產期為12月初，性別則由太太公布。

龔嘉欣對於不時探望好友陳凱琳（Grace）的兩名兒子悅(Rafael)和鄭承亮(Yannick)，她笑言自己做保姆，更試過接返學、放學，提早感受母親的生活。她說：「好享受母親的生活，等緊對的人出現。」當問到黎諾懿可有「筍盤」男生介紹畀龔嘉欣？他說：「佢使乜，以佢嘅條件唔需要筍盤，只要一開口排到落樓下。」